Zyrtarët rusë kanë thënë që vendi është në rrugën e duhur për t’u bërë i pari që miratoi një vaksinë kundër Covid-19, duke ngritur shqetësime për efektivitetin dhe sigurinë e përpjekjeve të saj.
Ministri i shëndetësisë Mikhail Murashko tha të shtunën se Rusia do të kërkojë të hedhë një program vaksinimi masiv kundër Covid-19 nga tetori i këtij viti.
Ai i tha agjencisë ruse të lajmeve RIA se kishin përfunduar provat klinike të vaksinës, të zhvilluara nga Qendra Kombëtare Gamaleya e Kërkimit për Epidemiologji dhe Mikrobiologji.
Në konferencën për agjencinë e lajmeve CNN dhe Reuters, zyrtarët rusë thanë që ata presin që vaksina të miratohet në gusht nga organet kompetente.
Murashko tha se mjekët dhe mësuesit do të ishin të parët që do të merrnin dozën e vaksinës.
Por, përparimi që Rusia pretendon se ka bërë një vaksinë të koronavirusit është pritur me skepticizëm nga zyrtarët shëndetësorë dhe mediat në SHBA dhe Evropë.
Ata kanë frikë se Rusia është e mbërthyer nga orvajtjet në përpjekjet e saj për të fituar, duke e krahasuar me garën hapësinore nga Bashkimi Sovjetik dhe SHBA gjatë Luftës së Ftohtë.
Për shkak se Rusia nuk ka nxjerrë të dhëna shkencore për testimin e saj të vaksinës, nuk është e mundur të verifikohen pretendimet e saj. Të premten, gjatë seancës së kongresit në SHBA, eksperti kryesor i sëmundjeve infektive Dr. Anthony Fauci shprehu dyshime për ashpërsinë e procesit të testimit në përpjekjet e shpejtë të vaksinave në Rusi dhe Kinë./BBC
