Shqipëria është një nga shtetet që ka pësuar rritjen më të lartë të turistëve të huaj gjatë 3 mujorit të parë të 2023. Krahasuar me nivelet para pandemisë, Shqipëria ka pësuar një rritje me 54 % më shumë turistë të huaj vetëm për periudhën janar-mars 2023.
Këto të dhëna janë publikuar nga Organizata Botërore e Turizmit, (UNWTO), ku Shqipëria renditet vendi i tretë në botë me rritjen më të lartë të turistëve të huaj, pas Katarit dhe Arabisë Saudite, krahasuar me shifrat e 2019.
Sipas UNWTO turizmi ndërkombëtar u rrit me 80% në tremujorin e parë 2023 krahasuar me të njëjtën periudhë të vitit të kaluar. Rreth 235 milionë turistë udhëtuan ndërkombëtarit në tre muajt e parë, më shumë se dyfishi i atyre në të njëjtën periudhë të 2022.
Rikuperimi më i madh të turistëve sipas eksperteve të UNWTO ka ndodhur me Lindjen e Mesme, krahasuar me nivelet e vitit 2019.
“Lindja e Mesme pa performancën më të fortë (+15%) dhe është rajoni i parë botëror që rikuperon numrat para pandemisë në një tremujor të plotë. Evropa arriti 90% të niveleve para pandemisë në tremujorin e parë të 2023, Afrika arriti në 88% dhe Amerika rreth 85% të niveleve të vitit 2019, ndërsa Azia dhe Paqësori përshpejtuan rimëkëmbjen e saj me 54% të niveleve para pandemisë”, thuhet në raportin e Organizatës Botërore të Turizmit.
Sekretari i Përgjithshëm i UNWTO-së, Zurab Pololikashvili tha se “fillimi i vitit ka treguar sërish aftësinë unike të turizmit për t’u rikthyer. Në shumë vende, ne jemi afër ose edhe mbi nivelet e mbërritjeve para pandemisë. Megjithatë, ne duhet të qëndrojmë vigjilent ndaj sfidave duke filluar nga pasiguria gjeopolitike, mungesa e personelit dhe ndikimi i mundshëm i krizës së kostos së jetesës në turizëm”.
Megjithatë, rimëkëmbja e turizmit përballet edhe me disa sfida. Situata ekonomike mbetet faktori kryesor që peshon në rimëkëmbjen efektive të turizmit ndërkombëtar në vitin 2023, me inflacion të lartë dhe rritje të çmimeve të naftës që përkthehen në kosto më të larta transporti dhe akomodimi.
Raporti i UNWTO publikohet katër herë në vit dhe përfshin një analizë të të dhënave më të fundit mbi destinacionet turistike
