Është mbyllur 5 me 0 sfida mes Shqipërisë dhe San Marinos në “Elbasan Arena”.
I pari që ka shënuar për kombëtaren tonë ka qenë Rei Manaj në minutën 32.
Më pas ka qenë Qazim Laçi ai që në minutën 58 shënon golin e dytë të takimit, ndërsa në minutën 61 Armando Broja shënon golin e tretë.
Ndërkohë në minutën 68 ka shënuar edhe kapiteni Hysaj.
Nuk ka munguar as një gol i Uzunit në minutën 80 i cili ka shënjuar edhe rezultatin e ndeshjes.
Nga ana tjetër, kuqezinjve u janë anuluar edhe dy gola të tjerë të cilët ishin në pozicion jashtë loje.
Me këtë fitore Shqipëria del në vendin e dytë me 12 pikë, një pikë më shumë se Polonia që është në vendin e tretë me 11 pikë.
