Sports
Shqipëria i dha goditjen fatale, trajneri serb dha dorëhejen pa mbaruar ndeshja?
Mediat serbe raportojnë se trajneri i kombëtares, Dragan Stojković, mund të ketë dhënë sinjalet e fundit të qëndrimit të tij në krye të skuadrës.
Burime pranë stadiumit bëjnë të ditur se në fund të ndeshjes, Stojković është ngritur nga stoli dhe ka përshëndetur publikun me duart e ngritura drejt tribunave, në një gjest që shumëkush e ka interpretuar si lamtumirë. Në të njëjtën kohë, në shkallët e stadiumit janë dëgjuar brohoritjet “Piksi, largohu!”, që kanë shtuar edhe më shumë tensionin e momentit.
Sipas gazetarit Branko Spasojević, i pranishëm në stadium, raporton N1, menjëherë pas këtij gjesti, asistenti Bratislav Živković ka marrë drejtimin e lojës nga pankina, çka ka shtuar zërat se Stojković është tërhequr në mënyrë informale nga detyra e trajnerit.
Edhe pse Federata e Futbollit të Serbisë nuk ka bërë ende asnjë njoftim zyrtar, sinjalet nga ndeshja e “Dubočica”-s lënë të kuptohet se fundit të epokës së Piksit në krye të kombëtares mund t’i ketë ardhur momenti.
Trajneri Stojković, i cili mori drejtimin e Serbisë në vitin 2021, e ka udhëhequr skuadrën drejt Botërorit “Katar 2022” dhe Kampionatit Evropian 2024, por rezultatet e fundit dhe kritikat e shumta nga tifozët duket se kanë ndikuar në vendimin e tij të mundshëm për t’u larguar.
Sports
Miura nuk dorëzohet, në moshën 58 vjeçare gjen një klub të ri në Japoni
Kazuyoshi Miura, ish-sulmuesi i Genoa-s, i cili mbush 59 vjeç në shkurtin e ardhshëm, ka njoftuar se do ta vazhdojë karrierën e tij duke u bashkuar me Fukushima United, një klub japonez i divizionit të tretë, në formë huazimi.
“Pasioni im për futbollin nuk ka ndryshuar, pavarësisht moshës sime”, tha ish-lojtari i kombëtares japoneze. I njohur me nofkën “Mbreti Kazu” në atdheun e tij, Miura bëri shtatë paraqitje sezonin e kaluar për Atlético Suzuka, një klub japonez i divizionit të katërt që përfundimisht ra në ligën rajonale.
Ai u kthye në Japoni në vitin 2024 pas një periudhe me Oliveirense, një klub portugez i divizionit të dytë, ku kishte qenë gjithashtu i huazuar nga Yokohama.
Miura debutoi në vitin 1986 me klubin brazilian Santos dhe, përveç Italisë, luajti edhe në Japoni, Kroaci dhe Australi. Në vitin 1990, ai debutoi për ekipin kombëtar japonez, duke bërë 89 paraqitje dhe duke shënuar 55 gola, por u la jashtë skuadrës për Kupën e Botës në vitin 1998 dhe luajti ndeshjen e tij të fundit në vitin 2000.
Sports
Broja jep asist, por Burnley mundet nga Newcastle
Armando Broja luajti titullar për Burnley në ndeshjen e javës së 19-të të Premier League të humbur me rezultatin 1-3 përballë Newcastle.
Ndërsa Burnley pësoi dy gola brenda pesë minutave, sulmuesi kuqezi asistoi për Laurent në minutën e 23-të për të ngushtuar diferencën.
Ndërsa Newcastle arriti të shënojë dhe një gol të tretë në fundin e takimit, për sulmuesin kuqezi u shfaq edhe njëherë frika e një dëmtimi, por arriti të përfundojë ndeshjen.
Sports
Ndryshim i rregullit të pozicionit jashtë loje, FIFA do që të favorizohen sulmuesit
FIFA vazhdon të bëjë të tjera eksperimente për ta bërë edhe më tërheqëse lojën.
Po mendohet një ndryshim i rregullit të pozicionit jashtë loje, në mënyrë që të favorizohen sulmuesit. Gianni Infantino e ka bërë të qartë vizionin e FIFA-s gjatë ceremonisë së “World Sport Summit” në Dubai.
“Vite më parë futëm VAR-in për ta bërë futbollin më të drejtë, për t’i dhënë arbitrit mundësinë të korrigjojë një gabim që miliona persona nga shtëpia apo nga stadiumi e kanë parë, – ka shpjeguar presidenti i FIFA-s. – Po e përmirësojmë gjithmonë e më shumë VAR-in me një teknologji më të avancuar, për të ndihmuar arbitrat që të marrin vendime të drejta.
Vazhdojmë të rishikojmë rregullat me qëllimin për ta bërë lojën me sulmuese, më tërheqëse. Po shohim rregullin e pozicionit jashtë loje, që ka evoluar gjatë viteve, duke imponuar sulmuesin të pozicionohet në mënyrë perfekte në linjë me mbrojtësin. Ndoshta në të ardhmen duhet të jetë me gjithë trupin përpara mbrojtësit për të qenë në pozicion të parregullt”.
Ideja është për të sinjalizuar pozicion jashtë loje vetëm kur sulmuesi është krejtësisht përara mbrojtësit. Infantino ka bërë me dije se FIFA po merr masa edhe për të evituar humbjen e kohës gjatë ndeshjes. “Është e rëndësishme që loja të rrjedhë në mënyrën e duhur, kështu që ndërprerjet duhet të reduktohen sa më shumë”, – ka theksuar kreu i FIFA-s.
-
UK2 days agoFOTO/ Nëna me dy fëmijët humbën jetën në një zjarr tragjik në Angli
-
Albania2 days agoU kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
-
Albania4 days agoShqiptari në Britani shpëton nga deportimi pasi “partnerja nuk i flet shqip”
-
Sports2 days agoIsh-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
-
UK4 days agoRrëzohet aeroplani në Britani, alarm në aeroportin Southend në Londër
-
Albania2 days agoHetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
-
Albania11 hours agoIronia e një dosje sekrete në Harvard: Amerikanë mbroni Trashëgiminë Ilire, Shqiptarët pas ’90-s e shkatërruan …
-
Kosova1 day agoKëta janë 10 kandidatët më të votuar në Vetëvendosjes
