Kryeministri Edi Rama ka reaguar menjëherë pas kualifikimit të Shqipërisë në një evropian për të dytën herë në histori.
Në rrjetet sociale Rama ka postuar një foto të tabelës së grupit E ku Shqipëria renditet e para me 14 pikë, duke falënderuar kuqezinjtë për kualifikimin.
“Faleminderit kuqezinjve për këtë dhuratë fantastike”- shkruan Rama.
Kualifikimi i kombëtares shqiptare në Euro 2024 është përgëzuar edhe nga presidenti, Bajram Begaj.
Përmes një postimi në rrjetin social Facebook, Begaj falënderon kombëtaren për emocionet e dhuruara ndërsa uron kualifikimin.
“Faleminderit kombëtares për emocionet e dhuruara dhe urime për kualifikimin e merituar në Euro 2024!” shkruan Begaj.
Shqipëria e futbollit ka shkruar një tjetër kapitull të artë në historinë e saj, pasi ka siguruar edhe matematikisht të premten vendin në fazën finale të Evropianit të ardhshëm. Barazimi 1-1 në Moldavi përballë përfaqësueses vendase, ka bërë që skuadra e Silvinjos të rikthehet në arenën më të madhe kontinentale pas 8 vitesh.
Kryeministri i Kosovës, Albin Kurti ka uruar Kombëtaren shqiptare për fitoren në Moldavi dhe rrugëtimin pas saj drejt Kampionatit Europian.
Në një postimi në rrjetet sociale, Kurti thekson se kjo është hera e dytë për historinë e kombëtares shqiptare që arrin të kualifikohet në Europian,
“Shqipëria kalon. Festë e madhe, që do vazhdojë në Euro 2024. Për herë të dytë në histori. Pas Francës, tashmë drejt Gjermanisë. Urime lojtarëve, gëzuar të gjithëve”.
Kreu i Partisë së Lirisë, Ilir Meta ka uruar kombëtaren dhe tifozët kuqezi për arritjen e kualifikimit në Euro 2024.
Në një postim të bërë në facebook, Meta shprehet i bindur se shkëlqimi do jetë po aq i jashtëzakonshëm në Kampionatin Europian që do luhet në vitin e ardhshëm.
“Një kualifikim historik që bën krenar dhe gëzon gjithë kombin shqiptar. Urimet më të përzemërta shqiponjave kuqezi, trajnerit, stafit dhe në veçanti tifozëve të mrekullueshëm për mbështetjen e tyre të jashtëzakonshme në çdo ndeshje. Jam besimplotë që shkëlqimi dhe entuziazmi i Kuqezinjve tanë do të jetë po aq i jashtëzakonshëm në Kampionatin Europian, kualifikimi në të cilin është plotësisht i merituar”- shkruan Meta.
Edhe Kryetari i Partisë Demokratike, Lulzim Basha ka uruar kualifikimin e kombëtares shqiptare në Euro 2024. Basha ka publikuar foto nga ndeshja ndërsa shkruan se stuhia kuq e zi është rrugës për Gjermani.
“Stuhia kuq e zi, rrugës për Gjermani”, shkruan Basha.
