Përfaqësuesja e Shqipërisë do të përballet me Çekinë në ndeshjen miqësore që do të luhet më 8 qershor, ka njoftuar të premten Federata Shqiptare e Futbollit (FSHF).
Kjo ndeshje do të zhvillohet në Pragë të Çekisë kurse stadiumi dhe ora do të përcaktohen gjatë javëve në vijim, sipas njoftimit të FSHF-së. Kjo do të jetë ndeshja e parë mes Shqipërisë dhe Çekisë në histori kurse në muajin qershor, “kuqezinjtë” do të luajnë edhe një miqësore tjetër.
Më datën 5, do të përballen me Përfaqësuesen e Uellsit, ndeshje kjo që do të luhet në “Cardiff City Stadium” dhe do të nisë në orën 18:00. Këtë muaj, Shqipëria do t’i luajë tri ndeshje në kuadër të eliminatoreve për Kampionatin Botëror “Katari 2022”. Më 25 mars do të luajë në udhëtim me Andorrën përpara se të përballet me Anglinë në Tiranë tri ditë më vonë. Ndërsa, më 31 mars do të jetë mysafire e San Marinos në kuadër të Grupit I.
