Shqipëria mposhti Serbinë në Leskovc, në një duel historik, me golin e Rey Manajt që i dha fitoren kuqezinjve.
Manaj e festoi golin duke bërë me duar shqiponjën dykrenare, gjest që e ndëshkoi me karton të verdhë nga gjyqtari i ndeshjes.
Ky ndëshkim ka sjellë reagimin e tifozëve. Një peticion i është drejtuar UEFA-s ku kërkohet rishikimi i vendimit të gjyqtarit për t’i dhënë fund diskriminimit ndaj simboleve kombëtare.
“Shqiponja dykrenare është një simbol kombëtar dhe shtetëror i njohur ndërkombëtarisht, i miratuar zyrtarisht që prej shpalljes së pavarësisë së Shqipërisë në vitin 1912, dhe nuk ka asnjë përmbajtje politike, fetare apo përçarëse.
Simboli i shqiponjës është përdorur në mënyrë të ngjashme nga sportistë të kombeve të tjera si formë gëzimi apo krenarie, pa u ndëshkuar apo vlerësuar si provokim.
Barazia dhe mosdiskriminimi janë parime thelbësore të Kartës Olimpike dhe të Statutit të FIFA-s e UEFA-s, që kërkojnë trajtim të drejtë e të njëjtë për të gjithë pjesëmarrësit”, thuhet në peticion.
