Shqiptarët votojnë sot për të zgjedhur kryetarët e 61 bashkive të vendit dhe përbërjet e reja të këshillave bashkiakë, 3222 anëtarë.
Në 10% e qendrave të votimit janë vërejtur problematika me pajisjen e identifikimit elektronik, prandaj KQZ ka urdhëruar që në këto QV të vijohet identifikimi manualisht.
Në orën 10:00 kreu i KQZ deklaroi se në 532 QV, nga 5213 gjithsej, nuk funksionon pajisja e identifikimit elektronik.
Deri në orën 10:00 kanë votuar 8.08% e votuesve. Në këto zgjedhje vendore janë 3.650.550 shtetas shqiptarë me të drejtën e votës.
