Shqiptari nga Kosova i cili po tregon suksese në fushën e biokimisë Fatlum Hajredini, është ftuar që të marrë pjesë në takimin e nobelistëve të shkencës në Lindau të Gjermanisë.
Ai ka marrë ftesë për takimin e nobelistëve që mbahet një herë në vit falë punës së tij shkencore, ka bërë pesë publikime shkencore në revista prestigjioze shkencore.
Fatlumi ka mbrojtur temën e doktoraturës në biokimi, nga departamenti i biokimisë në City University of New York (CUNY).
Studimet e mjekësisë i ka filluar në Universitetin e Prishtinës, pastaj ka vazhduar në New York, ku pas studimit bachelor ka avancuar direkt si kandidat për doktoraturë.
Fatlum Hajredini është një kuadër me perspektivë dhe premtues në fushën e shkencës së biokimisë.
