Një person i armatosur qëlloi për vdekje gjashtë vetë dhe pastaj veten në një festë ditëlindjeje në Colorado të SHBA-së, ka thënë policia amerikane.
Të shtënat ndodhën në një shtëpi të lëvizshme ku familjet ishin mbledhur në një rimorkio për të festuar.
“I dyshuari, i dashuri i një prej viktimave femra, u largua me veturë për në banesë, hyri brenda dhe filloi të qëllojë njerëzit në mbrëmje para se të merrte edhe jetën e tij”, ka thënë Departamenti i Policisë i Colorado.
Motivi i sulmit nuk dihet.
Viktimat ishin të gjithë të rritur, por një numër i fëmijëve ishin të pranishëm në rimorkio në atë kohë.
Identitetet e viktimave dhe sulmuesit nuk janë bërë të ditura ende.
