Drejtuesi i shtetit gjerman të North Rhine-Westphalia ka përjashtuar masat gjithëpërfshirëse lokale të bllokimit, megjithë shpërthimin e përqendruar në një fabrikë të përpunimit të mishit në afërsi të qytetit Gütersloh, që ka shkaktuar të paktën 1.300 raste të reja.
Armin Laschet tha që ekzistonte një “rrezik i madh pandemik”, por shpërthimi ishte “përqëndruar qartë te kompania” dhe nuk kishte “shqetësim të rëndësishëm” për popullatën e gjerë.
Laschet tha se nuk mund të përjashtohej plotësisht bllokimi, por përpjekjet do të përqendrohen në parandalimin e përhapjes së infeksioneve tek popullata në përgjithësi dhe kjo do të mundësojë masat për t’u marrë me shpërthimin.
Shqetësimet shpërthyen të shtunën në akomodimin e përdorur nga stafi i Tönnies në qytetin e afërt Verl, ku 700 njerëz u futën në karantinë.
“Rreth 200 njerëz u përpoqën të dilnin, por 500 njerëz respektuan rregullat e karantinës,” tha Uwe lührig, kreu i policisë në zonën Göttingen, për gazetarët.
Tetë oficerë policie u plagosën gjatë përleshjeve me banorët që kishin shishe, fishekzjarre dhe shufra metalike, tha ai.
Rreth 6.500 punëtorëve dhe familjeve të tyre u është thënë që të shkojnë në karantinë për të frenuar shpërthimin./BBC
