Cristiano Ronaldo duhet të shtyjë debutimin me skuadrën e Al Nassr sipas asaj që shkruajnë mediat angleze. Shkak është bërë pezullimi i futbollistit portugez me 2 ndeshje nga Federata Angleze e Futbollit.
Ky rregull vlen edhe nëse ndryshon ekip apo kampionat sipas FIFA-s. Ronaldo u ndëshkua pasi hodhi telefonin e një djali kur sulmuesi asokohe ishte pjesë e Manchester United dhe po hynte në brendësi të stadiumit. Masa u mor edhe pse Cristiano Ronaldo kërkoi falje për veprimin.
Në ceremoninë e prezantimit të Ronaldo e zhvilluar të martën, ishin të pranishëm në stadium 25 mijë tifozë që tani duhet të presin ende për të parë një ndeshje të sulmuesit që fitoi gjithçka në Europë.
