Antonio Conte thuhet të ketë rënë viktimë e një skeme mashtruese investimesh dhe përgjatë dy muajve të fundit po përpiqet dëshpërimisht të rikuperojë 27 milionë paundë të humbur atje sipas gazetes italiane La Verita.
Raportet tregojnë se gjylatësi britanik David Foxton ka dalë në përfundimin që financieri Italian me qendër në Londër, Massimo Bochicchio ka bindur tetë persona, përfshirë menaxherin e Interit që të investonte në kompaninë e tij Kidman.
Bochicchio kishte premtuar interesa të majme dhe besohet se Conte priste të merrte deri në 30 milionë euro (27 milionë paundë) deri në 30 qershor 2020, por paratë nuk i mbërritën kurrë. Njerëzit e përfshirë në skemë dërguan një email duke kërkuar pagesat në 7 korrik, vetëm që të zbulonin se adresa ishte e rreme.
Conte duket kishte marrë garanci që Kidman ishte i lidhur me HSBC, banka e rëndësishme për të cilën Bochicchio kishte punuar deri në vitin 2012 përpara se të niste biznesin e tij. Por HSBC konfirmoi se ai nuk ka absoluisht asnjë rol në kompani.
