Mediat greke zbulojnë detaje nga vrasja e shqiptarit Albert Bako, në burgun e Athinës një ditë më parë.
Sipas tyre viktima ndodhej në qelinë e tij bashkë me shokët e tjerë shqiptarë.
Mësohet se autorët e krimit, të akuzuar për të njëjtin krim, kanë pasur dijeni se Bako po transferohej në burgun e Greqisë.
Ata janë futur në qelinë e tij dhe e kanë goditur në qafë me një thikë artizanale. Pyetja që ngrenë autoritetet vendase është se përse në atë orë dera e qelisë ishte e hapur.
Me ligj në Greqi ajo lejohet të jetë e hapur deri në orën 11:30 pasi të burgosurit janë numëruar dhe më pas kanë ngrënë drekën. Përveç këtij detaji, në qelinë e vrasësit u gjetën mbi 300 euro dhe thika artizanale duke hedhur dyshime lidhur me sigurinë në burgje.
