Ish-kryetari i Asamblesë së Gjyqtarëve të EULEX-it, Malcom Simmons, do të raportojë para deputetëve të Komisionit për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë Kundër Korrupsion..
Simmons përmes një video-lidhje do të raportojë për pretendimet për skandalet e EULEX-it në Kosovë, përfshirë ndërhyrjet politike, manipulimin e provave dhe ndikimet tek dëshmitarët.
Raportimi do të bëhet në ora 10:00, sipas faqes zyrtare të Kuvendit.
Malcolm Simmons, ish-kryetar i gjykatësve në EULEX pati dhënë dorëheqje nga ky institucion, duke akuzuar EULEX-in dhe BE-në për korrupsion. Simmons pati deklaruar se EULEX-i dëshironte ta rrëzonte një pjesë të klasës politike kosovare.
