Banorët në Yellowknife, kryeqyteti i Territoreve Veriperëndimore të Kanadasë, janë urdhëruar të evakuojnë shtëpitë e tyre pasi vatra e zjarrit ka marrë përmasa kolosale.
Rreth 20 mijë banorë u larguan nga banesat, duke udhëtuar qindra milje drejt sigurisë ose duke pritur në radhë të gjata për fluturime emergjente, në sezonin më të keq të zjarreve në Kanada, shkruajnë mediat e huaja.
Ditën e djeshme, rreth 1500 persona u evakuuan në dhjetë fluturime, ndërsa të paktën 22 fluturime janë planifikuar për sot nga Yellowknife.
Autoritetet rajonale vlerësojnë se mund të evakuojnë rreth një të katërtën e banorëve me rrugë ajrore dhe nuk përjashtojnë mundësinë që kjo përpjekje të vazhdojë edhe nesër.
