Polica britanike njoftoi sot se ka mbyllur hetimin e saj për Partygate dhe ka bërë rekomandime për 126 gjoba.
Operacioni Hillman siç është quajtur hetimi ka shqyrtuar tetë data të veçanta që përfshinin shkelje të izolimit në Downing Street dhe Whitehall.
Nuk është e qartë nëse kryeministri i vendit Boris Johson ka marrë një dënim tjetër, pas atij të vendosur më parë në lidhje më këtë çështje.
Johson ka këmbëngulur vazhdimisht se do të flasë me detaje për skandalin Partygate sapo të përfundojë procesi i hetimit dhe i shërbimit civil.
Skandali Partygate për grumbullimet në oborrin e Downing Street, në periudhën kur britanikët ishin nën izolim të rreptë, kanë dobësuar ndjeshëm pozitat e Johnson, e përveç opozitës edhe pjesëtarët e partisë së tij konservatore i kanë kërkuar dorëheqjen.
