Skena të turpshme ato që u regjistruan në Holandë, në fundin e ndeshjes ndërmjet AZ Alkmaar dhe West Ham.
Familjet e futbollistëve të ekipit anglez u sulmuan nga ultrasit vendas, teksa po festonin kualifikimin në finale, menjëherë sapo u mbyll loja. Kjo bëri që lojtarët e West Ham të hynin me urgjencë në tribuna, në mbrojtje të të dashurve të tyre.
Në ato episode të pakëndshme nuk munguan shtyrjet, të bërtiturat dhe hedhja e sendeve të forta. Fatmirësisht, situata u kthye në normalitet me ndërhyrjen e forcave të sigurisë.
