Seriali “Gangs of London” (Gangsterët e Londrës) është rikthyer në televizion, pasi krijuesi Corin Hardy dhe aktori Sope Dirisu shpjegojnë për podcastin në Backstage të medias britanike “Sky News” për fansat ndërkombëtarë, se si është të torturohesh dhe si të bashkosh një sekuencë të madhe përleshjeje me armë.
Sky News shkruan se “Gangsterët e Londrës” ka një fans të pazakontë, si kryeministri shqiptar. Thrilleri rikthehet për një sezon të dytë më 20 tetor, duke i trajtuar fansat me më shumë intriga politike, më shumë zënka të përgjakshme me armë dhe më shumë grindje të brendshme familjare.
Për ata që nuk e dinë, seriali bën fjalë për një sërë bandash vendase dhe ndërkombëtare që përpiqen të marrin kontrollin e kryeqytetit, pas një vakumi pushteti të lënë nga vrasja e liderit të një familjeje famëkeqe kriminale, Wallaces.
Në dhe mes kaosit, oficeri i fshehtë i policisë Elliot, i luajtur nga aktori i nominuar për BAFTA, Sope Dirisu, është infiltruar në familjen Wallace në një përpjekje për të zbuluar kriminalitetin e tyre – por me pasoja brutale.
Seriali ka fituar vlerësim ndërkombëtar – jo vetëm duke fituar çmime, por edhe lavdërime nga vendet më të pamundshme.
“Orli, i cili luan Luanin (një bos i mafies shqiptare) në fakt u kontaktua nga kryeministri i Shqipërisë, i cili e telefonoi për t’i thënë se çfarë fansi i shfaqjes ishte dhe sa krenar ishte që përfaqësonte Shqipërinë”, tha prezantuesja Corin Hardy për podcastin “Backstage” të Sky News.
Kujtojmë se Rama edhe më parë ka thënë që është fans i këtij seriali dhe që e ka lënë dy netë pa gjumë gjatë kohës kur është transmetuar sezoni i parë. Sezoni i dytë i ‘Gangs Of London’ fillon më 20 tetor në Sky.
