Irlandezët sot po votojnë për përbërjen e re të kuvendit.
Qendrat e votimit janë hapur në orën 7 të mëngjesit dhe do të mbyllën në orën 22:00 .
Numërimi i votave do të fillojë të dielën në të gjitha 39 rajonet administrative, ndërsa deputetët e rinj pritet ta fillojnë punën më 20 shkurt.
Në kuvend do të kenë vend 160 deputetë të rinj, por kryetari i këtij institucioni rizgjidhet në mënyrë automatike, shkruan “BBC”.
Në bazë të rezultateve të anketave, tre kandidatët kryesorë për t’i fituar këto zgjedhje janë Fine Gael, Fianna Fail dhe Sinn Fein.
Për formimin e qeverisë, partisë fituese ose koalicionit qeveritar i nevojiten së paku 81 vota.
Analistët kanë parashikuar që asnjë parti nuk do të arrijë që ta fitojë këtë numër të ulëseve, prandaj formimi i koalicionit pritet të jetë i pashmangshëm.
Kjo është hera e parë në historinë e Irlandës që zgjedhjet po mbahen në ditën e shtunë.