“Fatura e braktisjes së Shkodrës do të paguhet më 25 prill”, u shpreh sot ish-deputeti i PD, Bardh Spahia, i cili publikoi pamje me dron nga përmbytjet në Shkodër.
“Këto ishin pamjet e Shkodrës edhe sot! Edi Rama vazhdon të heshtë e të mos veprojë! Këtë situatë në Shkodër e shohin të gjithë, e provojnë në kurriz ata që janë prekur nga përmbytjet, me familje, blegtori e të mbjella, të majtë, të djathtë e pa ndjeshmëri politike”, tha ai.
“Kjo pamje u dëshmon se kurrë më parë nuk janë braktisur në mënyrë kaq arrogante e cnjerëzore nga një kryeministër. Dhe këtë akt të paprecedent po e bën Edi Rama, që do përballet me këta qytetarë më 25 prill! Braktisja e Shkodrës do i kthehet mbrapsht në mënyrë shembullore”, theksoi ai.
