Në një kohë kur ish kryeministri Berisha mbante konferencën me gazetarët, ndërsa Jamarbër Malltezit ndodhet pas hekurave, policia dhe SPAK kane zbarkuar në vilen e këtij të fundit në zonën e Gjirit të Lalzit, për t’ia sekuestruar.
Dy përfaqësues të policisë së Shtetit nga Drejtoria e Krimit Ekonomik hyne brenda vilës për të vendosur sekuestron preventive.
Malltezi akuzohet për veprën penale “Korrupsion pasiv të funksionarëve të lartë shtetërore ose të zgjedhurve vendorë”, kryer në bashkëpunim me Sali Berishën per privatizimin e ish kompleksit Partizani.
Sipas SPAK, Malltezi duke shfrytëzuar pushtetin e ish kryeministrit ka arritur të marrë përfitimet e parregullta.
“Nga ana e shtetasit Sali Berisha në cilësinë e tij si Kryeministër i Republikës së Shqipërisë, janë kryer veprime aktive për kryerjen e kontrolleve administrative, me qëllimin e ushtrimit të presionit dhe dhënien e urdhërave konkrete, për konkludimin e procedurave të privatizimit, në favor ndër të tjerë, edhe të shtetasit Jamarber Malltezi., bashkëshorti i vajzës së tij”, thote SPAK.
