Autoritetet spanjolle thonë se ata kanë kapur 35 ton hashash të kontrabanduar në varka gjersa kanë arrestuar nëntë bullgarë dhe një rus.
Ministria e Financave njoftoi se agjentët gjetën 30 tonë hashash në katër varka me vela që i përkasin bandës së kontrabandës dhe se kjo ishte kapja më e madhe këso lloj droge, raporton reuters.
Policia tha se arrestoi nëntë bullgarë dhe një rus gjersa sekuestroi gjashtë anije me vela në vlerë rreth pesë milionë euro.
Ministria beson se i ka dhënë një goditje të rëndë bandës më të madhe që trafikonte hashash përmes detit.
Europoli, Qendra Ndërkombëtare për Analizë dhe Operacione Detare dhe autoritetet e Britanisë së Madhe, Holandës, Bullgarisë, Greqisë dhe Italisë bashkëpunuan në këtë operacion.
