Numri i viktimave të koronavirusit në Spanjë ka shënuar rënie për të tretën ditë me radhë. Gjatë 24 orëve të kaluara, në këtë shtet u raportuan 510 vdekje të reja.
Lajmin e bëri të ditur Ministria e Shëndetësisë, e cila konfirmoi se ky është numri më i vogël i viktimave brenda një dite që nga data 23 mars.
Kështu, numri i përgjithshëm i të vdekurve nga koronavirusi shkoi në 16,353, ndërsa numri i të infektuarve në 161,852.
Gjatë 24 orëve të kaluara u shënuan mbi 4,800 raste të reja të infektimeve në njërin prej vendeve më të prekura të Evropës dhe botës.
Spanja tash për tash ndodhet në vendin e dytë në botë për numrin e viktimave pas Italisë dhe Shteteve të Bashkuara, shkruan “Reuters”.
