Spanjollët kanë shfrytëzuar sa më shumë lehtësimin e fundit të bllokimit të vendit, pasi ata kanë dalë në rrugë që herët në mëngjes.
Heqja e kufizimeve për ushtrime për të rriturit ka bërë që mijëra vrapues, shëtitës dhe çiklistë të dalin për herë të parë në shtatë javë thjesht për kohën e lirë në Madrid dhe qytete të tjera.
Në shumë zona, numri i madh i atyre që dolën në rrugë e bënë atë të duket pothuajse si një mëngjes normal të së shtunës, përveç faktit se u vu re distanca fizike dhe makinat e pakta në rrugë.
Në provincën jugore të Kadizit, surfistët i janë rikthyer këtë mëngjes detit, megjithëse noti i rregullt mbetet ende i ndaluar.
“Dua të dal sepse është një ditë e bukur,” tha Carmen Pérez, një 65-vjeçare në Madrid. “Por unë jam pak e frikësuar nga infektimi.”
Rastet e konfirmuara në Spanjë u rritën të shtunën me 1.366 duke e çuar në 216.582 numrin e të infektuarve, dhe numri i vdekjeve është rritur nga 276 në 25.100. (BBC)
