Analisti ushtarak Ivica Mandiq gjatë një interviste dhënë për vecernji.hr, se vajza me shtetësi serbe nga Mitrovica e Veriut e dyshuar për spiunim, kishte lidhje të drejtpërdrejtë me zyrën e presidentit serb, Aleksandar Vuçiq, por edhe me zyrën e kryeministrit të Kosovës.
Sipas tij pyetja është nëse agjentja ishte e bindur në një operacion të tillë, sepse ka informacione se ajo ka punuar edhe për një shërbim tjetër të një anëtari të madh të NATO-s, transmeton Telegrafi.
Një çështje është duke u zhvilluar në Split në të cilën një pilot ushtarak i Forcave Ajrore Kroate është nën hetim nën dyshimin për spiunazh.
Ai po ndiqet penalisht nën dyshimin për rrjedhje informacioni konfidencial partneres së tij serbe, dhe Gjykata e Qarkut po vendos nëse ai do të përfundojë në paraburgim.
Ministria kroate e Mbrojtjes konfirmoi arrestimin e tij nën dyshimin për spiunazh për Dnevnik të Nova TV. Ai dyshohet se i ka kaluar informacione të ndjeshme një vajze serbe nga Mitrovica i Veriut, e cila më pas i ka kaluar tutje.
“Informacione të tilla mund të rrezikojnë ndjeshëm sigurinë kombëtare, kjo rregullohet nga ligji për sekretin e të dhënave, niveli më i lartë është sekret i lartë dhe mund të shkaktojë dëme të pariparueshme për sigurinë kombëtare. Se çfarë është rasti këtu, do ta përcaktojë sistemi kroat i sigurisë”, tha Tonqi Prodan, një ish-punonjës i shërbimeve të sigurisë.
Sipas informacioneve fillestare, ky është një pilot i cili ishte i angazhuar në misionin në Kosovë. Policia civile dhe ushtarake janë të përfshira në hetim, dhe gjithçka mbikëqyret nga DORH, e cila thotë se detajet janë plotësisht sekrete.
Piloti dhe e dashura e tij ishin arrestuar më parë – ai ishte liruar më pas, dhe ajo u vendos në një qendër për të huaj me një urdhër dëbimi.
Megjithatë, pasi analizuan telefonat e tyre celularë, hetuesit gjetën komunikim kompromentues, prandaj të dy u arrestuan përsëri.
“Incidente të tilla ndodhin gjatë gjithë kohës në botë, por nuk duhet të përfundojnë kështu – profesioni i inteligjencës di si ta trajtojë këtë lloj situate në disa mënyra”, shtoi Prodan.
Anëtarët e komisionit parlamentar për sigurinë kombëtare paralajmërojnë se ky është një rast shumë serioz dhe theksojnë se do të diskutohet në seancën e komisionit.
“Sepse në kohë si këto, ne të gjithë kemi një qëllim, të gjitha partitë, pavarësisht dallimeve në politikë. Ne të gjithë kemi një qëllim, sigurinë e të gjithë qytetarëve tanë dhe vendit tonë, të të gjitha misioneve tona në vendet ku marrim pjesë në misione”, tha Sandra Benqiq.
