Një sportist i Ukrainës në garat e skeletonit pasi e përfundoi lëshimin e tretë në Lojërat Olimpike të Pekinit e zbuloi një shenjë të vogël para kamerave që kërkonte paqe në vendlindjen e tij.
Mesazhi nga Vladyslav Heraskevych ishte: “Nuk ka luftë në Ukrainë”.
Ky mesazh ishte i printuar në një cope letre me ngjyrat e flamurit të Ukrainës dhe ky veprim i sportistit ukrainas mund të konsiderohet si thyerje e rregullit 50 të Kartës Olimpike.
Ky rregull ndër të tjera thotë se nuk lejohet asnjë “propagandë politike, fetare apo racore nëpër zonat olimpike”.
Veprimi i Heraskevychit erdhi në të njëjtën ditë kur sekretari i mbrojtjes i Britanisë vizitoi Moskën për bisedime mbi zbutjen e tensioneve mes Rusisë dhe Ukrainës.
