Nën presionin e Partisë së tij Laburiste, Kryeministri Britanik Keir Starmer po përgatitet të shpallë planin e tij për njohjen e Shtetit të Palestinës këtë javë, sipas Daily Telegraph.
Sipas gazetës, njohja do të kushtëzohet nga një armëpushim dhe potencialisht nga kthimi i pengjeve që mbahen ende nga grupi palestinez.
Ende nuk është e qartë nëse njoftimi do të bëhet në një fjalim apo në një konferencë për shtyp. Britania thuhet se po shqyrton njohjen e shtetit palestinez “më aktivisht”, edhe sipas dy burimeve qeveritare të New York Times, pikërisht kur kabineti – i thirrur nga pushimet nga Kryeministri Keir Starmer – do takohet sot për të diskutuar situatën në Gaza.
Ditët e fundit, pas njoftimit të Presidentit Francez Emmanuel Macron, kryeministri kishte minimizuar mundësinë e ndjekjes së Parisit, duke deklaruar se njohja duhet të jetë pjesë e “një plani më të gjerë që çon në një zgjidhje me dy shtete dhe siguri të qëndrueshme për palestinezët dhe izraelitët”.
