Penalltitë nuk kanë qenë pika e fort e Anglisë. Përkundrazi, në eventet madhore ato kanë sjellë shumë zhgënjime për “Tre Luanët”.
Megjithatë, në Euro 2024 historia ndryshoi. Anglia ishte perfekte nga pika e bardhë përballë Zvicrës, duke siguruar biletën në gjysmëfinale.
Pesë ekzekutime dhe të pesta të sakta. Një statistikë që regjistrohet vetëm për herë të dytë në 10 eventet madhore kur Anglisë i është dashur të gjuajë penalltitë. Realizimi 100% saktë i mëparshëm kishte ndodhur në Euro 96, ku u realizuan 4 penallti kundër Spanjës.
