Sekretari gjeneral i NATO-s, Jens Stoltenberg, nesër do të vizitojë Kosovën. Faqja zyrtare e aleancës ka bërë të ditur edhe agjendën e Stoltenbergut në Kosovë.
Sikurse deri më tash, NATO u është referuar krerëve të shtetit me “zotëri” dhe “zonja” e jo me postet që mbajnë.
Stoltenberg do të takohet me presidenten e Kosovës, Vjosa Osmani, kryeministrin Albin Kurti dhe ministrin për Komunitete e Kthim, Goran Rakiq.
Po ashtu, Stoltenberg do të takohet me komandantin e KFOR-it, gjeneralmajor Franco Federici dhe me drejtorin e Ekipit Këshillues e Ndërlidhës të NATO-s, gjeneral brigade Jorg Ruter.
Stoltenberg do të vizitojë edhe trupat e KFOR-it, por nuk është bërë e ditur se në cilin vend.