Efektet e dobishme në shëndetin dhe performancën e punonjësve nga puna 4 ditë në javë janë konfirmuar tashmë nga hulumtimi më i fundit i organizatës jofitimprurëse, e cila mbron këtë filozofi, 4 Day Week Global.
Një vit më parë, në 41 biznese në Shtetet e Bashkuara dhe Kanada nisi një program me 4 ditë punë në javë, me nga tetë orë në ditë, dhe program zgjati për 6 muaj. Si pjesë e eksperimentit, agjencia monitoroi shëndetin, mirëqenien dhe rezultatet e punës. Sipas Bloombergut, studiuesit arritën në përfundimin se puna me katër ditë në javë rriti produktivitetin e punonjësve, si dhe përmirësoi shëndetin mendor e fikiz të punonjësve. Edhe ekuilibri midis jetës profesionale dhe asaj personale, një kërkesë e madhe kjo e punëtorëve perëndimorë, vazhdoi të përmirësohej.
Kur punonjësit u pyetën se sa do të donin të paguheshin për një punë pesëditore, gjysma thanë se kërkonin një rritje të madhe rroge, ndërsa një në dhjetë thanë se asnjë shumë nuk do të mjaftonte.
