Studiuesit në Kinë kanë zhvilluar një sistem robotik të inteligjencës artificiale për t’u kujdesur për foshnjet, ndërsa ato rriten në një mitër artificiale.
Sipas mediave të huaja, “dadoja robotike” tashmë po ushqen disa fetuse kafshësh.
Studiuesit, të cilët publikuan gjetjet e tyre në Journal of Biomedical Engineering, thanë se ata synojnë të zhvillojnë teknologji që mund t’u mundësojë prindërve të rrisin një fëmijë në laborator, duke eliminuar nevojën që gratë të mbeten shtatzënë vetë.
Ata thanë se roboti synon “të optimizojë dhe përmirësojë sistemin e foshnjës”. Sipas hulumtimit, sistemi gjithashtu lejon që embrionet të ushqehen në mënyrë më efektive sesa në një mitër natyrale.
Krijimi i një teknologjie të tillë do të ndihmonte gjithashtu për të kuptuar origjinën e jetës dhe ‘zhvillimin embrional të njerëzve’ duke ofruar përgjigje për zgjidhjen e aftësive të kufizuara kongjenitale dhe problemeve të tjera të rëndësishme të shëndetit riprodhues.
