Numri i të vdekurve nga Uragani Ida në Luiziana u rrit në 26, pasi zyrtarët e Departamentit të Shtetit thanë se 11 persona të tjerë ishin vrarë në New Orleans, duke përfshirë tetë burra dhe tre gra.
Mosha e viktimave varion nga 24 deri në 79 vjeç.
Uragani Ida arriti në brigjet e Luizianës më 29 gusht si një uragan shkatërrues i kategorisë 4, duke sjellë me vete përmbytje masive dhe dëme që shkatërruan zona të gjera të shtetit. 1 milion njerëz mbetën pa energji elektrike. Ida konsiderohet si një nga uraganet më të forta që ka goditur ndonjëherë brigjet amerikane
Presidenti i SHBA-së, Joe Biden vizitoi Luizianën të premten dhe pa nga afër dëmet atje dhe u takua me të mbijetuarit.
Biden tha se zjarret, ciklonet, uraganet dhe përmbytjet po prekin pothuajse të gjithë Shtetet e Bashkuara, duke vlerësuar se më shumë se 100 milionë amerikanë u prekën vetëm këtë verë. Moti ekstrem, paralajmëroi ai, do të përkeqësohet.
