Një person rreth të 40-ve është arrestuar nga Agjencia Kombëtare e Krimit (NCA) e Mbretërisë së Bashkuar, në lidhje me sulmin kibernetik që goditi Aeroportin Heathrow dhe aeroporte të tjera të mëdha evropiane fundjavën e kaluar, kryesisht Berlinin dhe Brukselin.
I dyshuari u arrestua në West Sussex të martën dhe u akuzua për shkelje të Aktit të Keqpërdorimit të Kompjuterëve, ndërsa është liruar me kusht.
Sulmi kishte në shënjestër Collins Aerospace dhe shkaktoi probleme të përhapura me sistemet e regjistrimit dhe të hipjes në bord, duke rezultuar në vonesa të konsiderueshme të fluturimeve në Heathrow, Bruksel dhe Berlin, deri në tre ditë me radhë.
“Ndërsa ky arrestim është një hap pozitiv, hetimi është ende në një fazë të hershme dhe është në vazhdim. Krimi kibernetik mbetet një kërcënim i vazhdueshëm global që vazhdon të shkaktojë përçarje të konsiderueshme në Mbretërinë e Bashkuar. Së bashku me partnerët tanë vendas dhe ndërkombëtarë, NCA është e angazhuar për të zvogëluar këtë kërcënim me qëllim mbrojtjen e publikut britanik”, tha Zëvendësdrejtori i NCA-së, Paul Foster, Kryetar i Njësisë Kombëtare të Krimit Kibernetik.
