Ukraina ka marrë përgjegjësinë për sulmin e sotëm me raketa në selinë e flotës ruse të Detit të Zi në Krime. Ushtria ukrainase thotë se goditi “me sukses” bazën detare në Sevastopol, por nuk dha detaje të mëtejshme të sulmit.
Video dhe fotografi të publikuara nga vendi i ngjarjes tregojnë shtëllunga të mëdha tymi mbi ndërtesën në Sevastopol, në Krimenë e aneksuar.
Ky sulm vjen vetëm një ditë pasi Rusia kreu sulme me raketa dhe artileri nëpër qytetet e Ukrainës, duke vrarë pesë persona, në një kohë kur presidenti ukrainas Volodymyr Zelensky u takua me presidentin amerikan Joe Biden dhe liderët e Kongresit në Uashington.
Sevastopol, shërben si bazë kryesore për Flotën Detare të Rusisë.
