Një oficer i ushtrisë ukrainase, i cili është “i lidhur” me shërbimin e inteligjencës “luajti një rol kyç” dhe ishte “koordinator” i sulmit të vitit të kaluar në gazsjellësin Nord Stream, raporton gazeta amerikane Washington Post.
Raporti thoshte se koloneli 48-vjeçar i forcave speciale Roman Chervinsky “mori urdhra nga disa zyrtarë të rangut të lartë ukrainas”.
Washington Post citoi zyrtarë ukrainas dhe evropianë të tjerë të njohur me detajet e operacionit të fshehtë.
Sipas kësaj media, Cervinski ka hedhur poshtë akuzat se është përfshirë në sabotim përmes avokatit të tij.
Shpwrthimi i tubacionit në shtator të vitit të kaluar shkaktoi rrjedhje masive tw gazit.
Zyrtarët perëndimorë kanë fajësuar kryesisht Rusinë për shpërthimet që pothuajse shkatërruan dy tubacione gazi. Moska fajësoi Shtetet e Bashkuara dhe aleatët e saj, duke thënë se nuk kishte asnjë arsye që ata të hidhnin në erë një lidhje energjetike jetike për dërgimin e furnizimeve në perëndim.
Nord Stream është në pronësi Gazpromit të Rusisë dhe furnizon me gaz miliona evropianë.
Shtetet e Bashkuara kanë paralajmëruar për vite se tubacionet janë një rrezik sigurie për Gjermaninë dhe vendet e tjera evropiane.
