“Betohem për Allahun se ju nuk keni parë asgjë prej nesh”, me këto fjalë i është përgjigjur një prej autorëve të ngjarjes së rëndë me të paktën 3 viktima në Vjenë një publikimi të policisë në Twitter.
Kujtojmë se mbrëmë, rreth orës 22:00, në distriktin e parë të Vjenës ka ndodhur një sulm me armë, nga ku raportohen për viktima, mes të cilëve edhe një polic, ndërsa raportohet për 15 të plagosur.
Ka mbetur i vrarë njëri prej autorëve të sulmit, ndërkohë që tjetri është larguar.
Policia është në kërkim të autorit tjetër, që mendohet se është personi që i është përgjigjur policisë ne Twitter.
Nuk ka ende një konfirmim zyrtar për një sulm terrorist apo nëse ky sulm lidhet me sinagogën aty pranë.
