Nuk janë vetëm indianët e Britanisë që po festojnë caktimin e Rishi Sunak si kryeministër të Mbretërisë së Bashkuar.
Në Indi, ardhja e tij në pushtet është mirëpritur nga politikanët dhe qytetarët.
“Jam shumë i gëzuar që Rishi Sunak është bërë kryeministër. Britania e Madhe qeverisi Indinë për më shumë se 300 vjet, ndërsa tani një indian do të udhëheqë Mbretërinë e Bashkuar. Jam shumë entuziast për këtë”, thotë një burrë.
“Britanikët na sunduan për qindra vjet, ndërsa tani indianët do të qeverisin Britaninë për 200 vitet e ardhshme”, shprehet një tjetër.
Shumë indianë shpresojnë gjithashtu se Sunak si kryeministër do të çojë përpara marrëveshjen tregtare Britani-Indi.
