Kryeministri britanik Rishi Sunak u kërkoi aleatëve perëndimorë që të vazhdojnë të mbështesin dhe armatosin Ukrainën në mënyrë që Ukraina të mund të “përfundojë punën” kundër Rusisë.
Komentet e tij vijnë pasi ndihma e SHBA-së për Ukrainën mbetet e pasigurt pas shkarkimit të Kevin McCarthy si kryetar i Dhomës së Përfaqësuesve.
Para votimit të djeshëm, McCarthy kishte shmangur mbylljen e qeverisë duke nxitur miratimin e një projekt-ligji për financimin e qeverisë amerikane që përjashtonte mbështetjen për Kievin, duke e lënë Joe Biden të mbështetej tek kryetari republikan për një marrëveshje të veçantë.
Ditën e djeshme Rob Bauer, zyrtari më i lartë ushtarak i NATO-s, paralajmëroi se fuqive ushtarake perëndimore po mbarojnë municionet për t’i dhënë Ukrainës.
