Arsenal, Chelsea, Liverpool, Manchester City, Manchester United dhe Tottenham janë mes 12 klubeve që kanë rënë dakord të bashkohen në Superligën e re Evropiane (ESL).
Në një lëvizje sizmike për futbollin evropian, klubet e Premier League do të bashkohen me AC Milan, Atletico Madrid, Barcelona, Inter Milan, Juventus dhe Real Madrid.
ESL tha se klubet themeluese kishin rënë dakord të krijonin një garë të re në mesjavë, me ekipet që vazhdonin të garonin në ligat e tyre përkatëse kombëtare.
ESL njoftoi se synim kanë që sezoni përurues të fillojë sa më shpejt që të ishte e mundur dhe parashikoi që edhe tre klube të tjera do të bashkoheshin.
ESL tha se planifikoi gjithashtu të nisë një ligë edhe për femra sa më shpejt të jetë e mundur, pasi të fillojë turneu për meshkuj.
Sipas BBC-së, kryeministri britanik Boris Johnson, Uefa dhe Premier League kundërshtuan këtë nismë, pasi lajmi bë publik.
Kritikët thonë se lëvizja po drejtohet thjesht nga paratë, do të shkatërronte ligat vendase dhe është kundër integritetit të sportit.
Organi qeverisës botëror FIFA kishte thënë më parë se nuk do ta njihte një ligë të tillë dhe çdo lojtari të përfshirë mund t’i mohohet mundësia për të luajtur në një Kupë Botërore.
UEFA, organi qeverisës i Evropës në futboll, përsëriti atë paralajmërim të Dielën kur tha se lojtarët e përfshirë do të ndaloheshin nga të gjitha garat e tjera në nivel vendas, evropian ose botëror dhe mund të parandaloheshin nga përfaqësimi i ekipeve të tyre kombëtare.
Pasi u njoftua ESL, Fifa shprehu “mosmiratimin” e saj të ligës së propozuar dhe u bëri thirrje të gjitha palëve të përfshira në diskutime të nxehta të angazhohen në një dialog të qetë, konstruktiv dhe të ekuilibruar për të mirën e lojës.
ESL i ka dërguar një letër presidentit të FIFA-s, Gianni Infantino dhe shefit të UEFA-s Aleksander Ceferin, duke lëshuar njoftim për procedurat ligjore në Gjykatat Evropiane për të bllokuar çdo sanksion që të dy organet drejtuese mund të përpiqen të zbatojnë gjatë formimit të ESL-së.
Në një deklaratë, ESL tha: “Duke shkuar përpara, klubet themeluese presin që të zhvillojnë diskutime me UEFA-n dhe FIFA-n për të punuar së bashku në partneritet për të dhënë rezultatet më të mira për ligën e re dhe për futbollin në tërësi.”