Gati një milion njerëz u evakuuan dhe ujërat e përmbytjeve u rritën në Filipine sot përpara mbërritjes së pritur të tajfunit Fung-ëong në bregun lindor në orët e vona të natës.
Fung-ëong pritet të sjellë erëra dhe shira të rrëmbyeshëm në pjesë të mëdha të arkipelagut.
Shkollat dhe zyrat qeveritare janë urdhëruar të mbyllen në të gjithë ishullin kryesor të Luzonit për nesër, përfshirë kryeqytetin Manila, ku deri më tani janë anuluar gati 300 fluturime. Catanduanes, një ishull i vogël u godit nga erërat dhe shiu në orët e para të mëngjesit të sotëm.
Një total prej 916,863 personash janë evakuuar deri më tani, tha zyrtari i lartë i mbrojtjes civile Rafaelito Alejandro në një konferencë për shtyp. Erëra të forta deri në 230 km/orë priten nga kjo mbrëmje deri të hënën.
Në Catanduanes, valët e stuhisë kanë përfshirë rrugët bregdetare dhe përmbytjet kanë arritur në disa zona. “Ndërsa flasim, ata po e ndiejnë ndikimin e tajfunit, veçanërisht në Catanduanes, sepse syri i stuhisë është më afër atje”, shtoi zyrtari.
