Jorida Tabaku, deputete e Partisë Demokratike, ka reaguar për çështjen e inceneratorëve, ku në kërkim është ish-zëvendëskryeministri Arben Ahmetaj.
Ajo ka reaguar edhe për taksimin progresiv, që sipas saj po varfëron shqiptarët progresivisht.
“Shumë politikanë kanë qenë në pritje për njoftimin e radhës nga SPAK. Duke filluar me ish-Zv kryeministrin, ministrin e Financave dhe ministër i shumë punëve të arta në Qeveri u zhduk nga vendi pak përpara se të pritej fletë arresti për vjedhjen e shekullit prej 430 milion euro”, ka thenë ajo.
Po ashtu ka përmendur edhe sekuestron e inceneratorit të Tiranës që, sipas deputetes, e bën edhe më të dukshme përfshirjen e kryebashkiakut Erion Veliaj dhe ish-ministrit Damian Gjiknuri në po të njëjtën aferë.
“Taksa e korrupsionit që kjo qeveri i ka vendosur shqiptarëve është më e larta në historinë e Shqipërisë demokratike. Për fatin e keq është një taksë që shqiptarët e kanë paguar në demokraci, por ndryshimi është që në këto 10 vite qeverisje socialiste kjo taksë është progressive”, ka thenë ajo.about:blank
Sipas Tabakut, edhe vitin e ardhshëm buxhetet e familjeve shqiptare do të goditen nga rritje të njëpasnjëshme taksash, që do të paguhen nga xhepi familjeve shqiptare.
“Taksimi progresiv i korrupsionit i varfëron shqiptarët progresivisht”, ka theksuar ajo.
Dhe për t’iu përgjigjur kësaj situate, sipas Tabakut, rruga është një betejë prioritare ndaj korrupsionit.
