Partia Demokratike nuk tërhiqet nga ndryshimi i ligjit për pronat pas rrotacionit të pushtetit.
Madje, Jorida Tabaku, në deklaratën e dhënë nga selia blu shprehet se do të anulohet dhe legjislacionit që cënon të drejtën e pronësisë.
Tabaku: Në programin e PD, e thënë prerë dhe qartë nga kryetari i Partisë Demokratike dhe nga të gjithë ekspertët, thuhet që ‘Ligji i Pronave aktual do të anulohet’. Jo vetëm me një ligj, por edhe një korpus ligjor prej 10 ligjesh që cenojnë të drejtën e pronës, si Ligji i Investimeve Strategjike, një prej tyre, i cili është duke zaptuar pronat e pronarëve pa të drejtë dhe është duke i konsideruar ato prona publike, do të anulohet bashkë me ligjet e tjerë.Ne do të rikthejmë në ligj më në fund konceptin e pronës, konceptin e pronarit dhe do të rikthejmë në ligj konceptin e njohjes së pronës.
Duke ju përgjigjur deklaratës së Artan Lames, Tabaku premtoi përfundimin e procesit të legalizimeve brenda dy vitesh.
Tabaku: Sot situata në terren është që pasi qytetarët shqiptarë i kanë paguar buxhetit të shtetit mbi 60 milionë euro për procesin e legalizimit ky është një nga dështimet më të mëdha të qeverisë.Unë sapo vij nga terreni ku qytetarët më informojnë se për të përfunduar një legalizim sot, i kërkojnë rreth 4 mijë euro për një kat shëpie për t’u paguar si taksë korrupsioni.Unë e kuptoj që qeveria është në panik pasi janë duke ikur, por këtij procesi që po e trajtojnë si plaçkë lufte, ne do ta përfundojmë brenda dy viteve të para të mandatit qeverisës.Procesi i legalizimeve është një proces i pakthyeshëm që ka nisur me Partinë Demokratike dhe do të përfundojë me Partinë Demokratike.
Partia Demokratike akuzoi qeverinë aktuale se i ka kthyer zyrat e Kadastrës në zyra grabitqare të pronave dhe se bandat po përdorin pronat e qytetarëve si plaçka lufte./Ora News/
Tabaku: Sot zyrat e Kadastrës, fatkeqësisht janë kthyer në zyra grabitqare të pronave. Sot, fatkeqësisht po kryhet një luftë bandash me pronat e ligjshme të qytetarëve shqiptarë. Sot, fatkeqësisht çështja e pronave po përdoret si plaçkë lufte për çështjet elektorale. Partia Demokratike është e angazhuar së bashku me 8 shoqata pronarësh, që më në fund të rikthejë të drejtën e pronarit, të rikthejë të drejtën e pronës tek i zoti.
