Presidentja e Tajvanit, Tsai Ing-Wen, në një takim me përfaqësuesin e sapoemëruar britanik në Tajvan, tha: “Mezi pres që Tajvani dhe Britania të jenë në gjendje të fillojnë dialogun mbi tregtinë e lirë ose marrëveshje bilaterale investimesh”
Tajvani sot është shprehur se kërkon marrëveshje dypalëshe investimesh me Mbretërinë e Bashkuar dhe i bëri thirrje Londrës të hyjë në negociata për tregti të lirë.
Presidentja e Tajvanit, Tsai Ing-Wen, në një takim me përfaqësuesin e sapoemëruar britanik në Tajvan, tha: “Mezi pres që Tajvani dhe Britania e Madhe të jenë në gjendje të fillojnë dialogun mbi tregtinë e lirë ose marrëveshje bilaterale investimesh”.
“Kënaqësi të mirëpres John Dennis përsëri në Tajvan si përfaqësuesi i ri i Mbretërisë së Bashkuar. Unë kam besim se vlerat tona të përbashkëta demokratike do të vazhdojnë të drejtojnë partneritetin tonë në rritje në tregti, investime dhe arsim”, tha Tsai në Twitter.
Dennis mori detyrën e tij si përfaqësues i Mbretërisë së Bashkuar në Taipei në fillim të këtij muaji, njoftoi e përditshmja Taiwan News.
Tsai tha se Tajvani vitet e fundit ka “thelluar bashkëpunimin” me Mbretërinë e Bashkuar në fushën e financave dhe energjisë së erës.
Ajo shtoi se të dy palët mund të zgjerojnë bashkëpunimin në arsim, promovimin e të drejtave të njeriut dhe zhvillimin e vaksinave COVID-19.
Pekini e konsideron Tajvanin, i njohur zyrtarisht si Republika e Kinës, një provincë e shkëputur, por Taipei këmbëngul në pavarësinë e saj që nga viti 1949 dhe ka marrëdhënie diplomatike me 16 vende dhe rajone.
