Ismail Murrani ka takuar nënën e tij pas 7 vitesh, pasi ndodhej si emigrant në Angli dhe nuk kishte dokumenta. Ai e ka surprizuar të ëmën së bashku me vajzën e tij, Ildën dhe momenti emocionues është bërë shumë viral në rrjetet sociale.
Në një lidhje me Skype për “ABC e Mëngjesit”, ata kanë treguar të gjithë detajet e këtij çasti të veçantë, duke i përlotur të gjithë.
“Nëna është edhe me diabet dhe ishte shumë e vështirë kur më takoj mua pas 7 vitesh. Si të gjithë emigrantët, unë emigrova në Britaninë e Madhe dhe isha pa dokumenta dhe nuk kisha mundësi të takohesha. Ne nuk i treguam asgjë nënës, se donim t’ja bënim surprizë. Prem biletat, vajza i preu.
Nëna pas takimit humbi ndjenjat, e mora në krahë dhe e ula te krevati. Mbas andej erdhi në vete mbas një ore”, u shpreh Ismaili.
“Në të vërtetë unë dhe vëllai im kishim shkuar edhe më përpara e kishim takuar nënën. Kjo ishte për here të parë për babin. Pam atje që nëna nuk ndodhej në shtëpi, kishte shkuar te halla dhe xhaxhai e telefonoj dhe i tha: ‘Hajde se ka ardhur nipi, djali tjetër aty’. Edhe kur erdhi babi dhe hapi derën, ishte shumë e papritur”, tha Ilda./abcnews.al
