Suedia njoftoi sot se do të taksonte bankat për të financuar rritjen e buxhetit ushtarak, në kuadër të tensioneve me Rusinë.
“Tashmë, bankat duhet të marrin pjesë në riforcimin e kapaciteteve për mbrojtjen e vendit”, theksoi ministri i Mbrojtjes, Peter Hultqvist në një konferencë shtypi, pa dhënë shumë detaje.
Qeveria synon të rrisë me pesë miliardë korona suedeze (463 milionë euro) buxhetin ushtarak deri në vitin 2022.
Pas aneksimit të Krimesë, afrimit të avionëve rusë pranë hapësirës ajrore të vendeve nordike, bllokimit të radarëve civilë dhe konstatimit në vitin 2014, në ujërat suedeze, të një nëndetëseje që Stokholmi dyshon se ka qenë ruse, pavarësisht mohimeve të Moskës, Suedia po përpiqet të dyfishojë mbrojtjen e saj.
