Talebanët kanë rrethuar Luginën Panjshir, e vetmja zonë të cilën nuk kanë mundur ta pushtojnë në gjithë Afganistanin.
Për shkak të historisë, pozicionit strategjik dhe njerëzve, kjo luginë ka qenë për shumë vite e pamposhtur si nga sovjetikët dhe nga talebanët.
Kësaj radhe duket se talebanët me pushtetet që zotërojnë duan ta mposhtin rezistencën edhe pse i kanë lënë një opsion rebelëve për t’u dorëzuar.
Talebanët kërkojnë negociata me rebelët për një zgjidhje, ndërsa këta të fundit e kanë bërë të qartë se duan një shtet të decentralizuar me pushtetet e ndara mes grupeve të ndryshme etnike.
Thuhet se në Luginën Panjshir fshihen disa prej armiqve të talebanëve që i frikësohen ekzekutimit në rast se bien në dorë të tyre.
