Ky lajm ka qenë një “rrufe në qiell” të hapur për italianët e Lazios, të cilët kishin arritur marrëveshjen me futbollistin 34-vjeçar dhe kishin prenotuar edhe vizitat mjekësore, ndërsa pritej vetëm përfundimi i aventurës europiane me Manchester City-n
Në mënyrë krejt të befasishme, klubi bask i Real Sociedadit njoftoi mbrëmjen e djeshme se ka firmosur me fantazistin spanjoll David Silva, i cili vetëm pak ditë më parë i dha fund eksperiencës 10-vjeçare te Manchester City.Ky lajm ka qenë një “rrufe në qiell” të hapur për italianët e Lazios, të cilët kishin arritur marrëveshjen me futbollistin 34-vjeçar dhe kishin prenotuar edhe vizitat mjekësore, ndërsa pritej vetëm përfundimi i aventurës europiane me Manchester City-n.
Drejtori Sportiv i Lazios, Igli Tare nuk e ka fshehur zhgënjimin dhe në një deklaratë në sajtin zyrtar të klubit bardhekaltër ka kërkuar sqarime nga fantazisti spanjoll, duke shtuar se e respekton Davis Silvën si futbollist, por aspak si njeri.
“Mësova për transferimin e David Silvës te skuadra e Real Sociedad. Kam respekt të madh për futbollistin, por jo për njeriun”, tha Igli Tare në një komunikatë të publikuar në faqen zyrtare të klubit bardhekaltër.
