Gruaja që akuzoi Dani Alves për sulm seksual në Barcelonë muajin e kaluar e identifikoi yllin brazilian të Kupës së Botës nga një tatuazh në barkun e tij.
Viktima e supozuar tha se ish-mbrojtësi i djathtë i Barcelonës e goditi me shuplakë dhe e përdhunoi në tualetet e klubit të natës “Sutton” të qytetit spanjoll në dhjetor.
Futbollisti 39-vjeçar ndodhet në burg ndërsa vazhdon të jetë nën hetim. Gruaja thotë se e vuri re tatuazhin kur ai u përpoq ta detyronte t’i bënte seks oral dhe ajo rezistoi në banjën e mbyllur në klubin VIP.
Ndërkohë, futbollisti ka dëshmuar se ishte ai që ishte ulur në tualet kur gruaja u hodh mbi të. Gjykatësi pyeti se si ishte e mundur që gruaja të shihte tatuazhin e tij nëse këmisha e tij ia mbulonte bustin.
Ylli fitues i Ligës së Kampionëve më pas dyshohet se ndryshoi dëshminë e tij për të thënë se ai u ngrit në këmbë kur ajo hyri, duke e lejuar atë të shihte tatuazhin. Ai tha se dyshja më pas bënë seks konsensual, pavarësisht se fillimisht mohuan njohjen për viktimën e supozuar.
Dje, Alves u zhvendos nga burgu “Brians 1” në burgun më të vogël “Brian 2”, ku të burgosurit dënohen për krime seksuale. Qendra e re e paraburgimit ka ‘module më të vogla rezidenciale’ ku është më e lehtë të garantohet siguria dhe bashkëjetesa e të burgosurve.
