Historia e dashurisë së Sarës dhe Bardhit është një nga më komplekset që mund të kemi dëgjuar brenda shtëpisë së Big Brother Vip. Kjo sepse të dy kanë lënë njohje pezull jashtë shtëpisë vip dhe pavarësisht kësaj kanë nisur një romancë.
Edhe pse kanë nisur një këtë romancë, ata e kanë patur të pashmangshme të mos flasin për personat përkatës që kanë lënë jashtë.
Jurgen Uldedaj është djali me të cilin Sara Gjordeni ka treguar se ka lënë një lidhje pezull.
Jurgen Uldedaj ka shënuar një triumf shumë të rëndësishëm në boksin profesionist. 26- vjeçari ka shkëlqyer në duelin e tij të fundit, të zhvilluar të shtunën në Londër, duke u shpallur kampion në versionin “IBO Mediterranean”.
Për këtë fitore duket se është ‘lutur’ edhe Sara pasi ditën e ndeshjes i ka uruar fitore ish-partnerit të saj.
Në një bisedë me Erjolën në shtëpinë e “Big Brother VIP 3”, Sara u shpreh se do të ndihej fajtore nëse ai nuk do të fitonte.
“Kam nevojë të dëgjoj fjalën e tij, por kurrsesi nuk i ngatërroj të dyja gjërat. Unë kam arritur ta njoh dhe ta dua si njeri, kam ndarë bukën me të, kam fjetur me të. Çdo gjë bashkë kemi kaluar. E mbaj shumë lart në mendimet e mia. Sepse nuk është një njeri që e përçmoj apo e urrej. E kam lart atë dhe familjen e tij”, është shprehur Sara
Ndërsa Bardhi mbrëmjen e djeshme ka treguar se para se të hynte në “Big Brother” ka lënë pezull një lidhje dhe teksa shikonte Sarën i kërkonte falje vajzës në fjalë.
“Unë lashë pezull diçka atje jashtë. Kisha një gocë që e kisha njohur tre javë para se të hyja këtu. Isha në kontakt, e kisha takuar një dy herë edhe kishim pëlqime, por jo një lidhje. E lamë pezull për të hyrë unë këtu. Për shkak se nuk isha në një lidhje, e gjeta lidhjen time këtu që e dua fort. Desha t’i kërkoj falje asaj gocës”, tha Bardhi
Por kjo deklaratë e Bardhit nuk i ka pëlqyer Sarës e cila pretendon se këtë sekret të Bardhit duhet ta dinte para të gjithë të tjerëve. Nga ana tjetër Bardhi i tregon Sarës se edhe ai është ndjerë keq që nuk e dinte i pari për fëmijën që ajo kishte humbur para një viti.
